Uf Gimmelwald, da heimer's so:
Syn eppa truurig, oder froh,
Wie z'Läben es chan bringen.
U z'wärchen hei mer wäger all,
I Fäld u' Wald, in Hus u Stall,
O d'Muetter (z'Mueti) mid de Chinden.

Uf Schiltalp, wohl da hei mer z'danken.
Si gid is Nydla, Chäs und Anken.
Das tued is doch so gued.
Stäh fescht in ysem Burestand,
U triw zum schenen Vaterland,
Hein geng en froha Muet.

J n ysem Husli ob der Flueh,
Da hei mer doch o z'ässe gnueg.
Mier sy ja gar bescheiden.
Wil epa eina von es gahn,
Mier andren blybe wacker stahn,
Äs chan es nid erleiden.

Hei mier eis yses Teili g'schafft,
U ganz verbrucht all ysi Chraft,
De wei mer riewig warten.
Mu treid es den dir z'Bärgli ab,
Dert zunem frischen, chielen Grab,
Bim Stoubbach in dän Garten.

Fr. Lüthi